വിചാരണ

അവളുടെ ആത്മഹത്യയില്‍
എനിക്ക് പങ്കുണ്ട്

ഡയറിത്താളിലോ
മരണക്കുറിപ്പിലോ
എന്റെ പേരു കണ്ടേക്കില്ല
പക്ഷെ...

സാരിത്തലപ്പിലോ
നെഞ്ചിന്‍ തുടിപ്പിലോ
എന്റെ വിരല്‍പ്പാട് കണ്ടേക്കില്ല
പക്ഷെ...

ഒറ്റയമ്മ പെറ്റ കുഞ്ഞിന്റെ
ജനിതക രേണുക്കള്‍ എന്റെയല്ല

പോസ്റ്റ് മോര്‍ട്ടം റിപ്പോര്‍ട്ടില്‍
ഒരു വാക്കു കൊണ്ട മുറിവു പോലുമില്ല

സാഹചര്യത്തെളിവുകളേതുമില്ല

പക്ഷെ...
എന്റെ പ്രണയ ശിഖരത്തിലൂഞ്ഞാല്
കെട്ടിയാണ് അവളിപ്പോഴാടുന്നത്...